Leena Evic

ᓖᓇ ᑕᑎᒐᖅ ᐃᕕᒃ ᐱᓇᓱᐊᑦᑎᐊᖏᓐᓇᖅᑐᖅ ᐃᓄᖕᓂᒃ ᐃᑲᔪᖅᑎᐅᓪᓗᓂ ᓂᕈᐊᖅᑕᐅᓯᒪᓂᒃᑯᑦ, ᐅᖃᓪᓚᒋᐊᖅᑐᓲᖅ, ᐃᓕᓴᐃᓲᖅ, ᐊᒻᒪᓗ ᓇᖕᒥᓂᖁᑎᖃᖅᑐᖅ. ᐅᓇ ᐱᒋᐊᖅᑎᑦᑎᓯᒪᔪᖅ ᐱᕈᕐᕕᒃ ᐃᓄᐃᑦ ᐅᖃᐅᓯᖏᓐᓂᒃ, ᐱᐅᓯᑐᖃᖏᓐᓂᒃ ᐊᒻᒪᓗ ᖃᓄᐃᖏᑦᑎᐊᕈᑎᒃᓴᖏᓐᓂᒃ ᐃᖃᓗᖕᓂ. ᐅᓇ ᐱᕈᕐᕕᒃ ᑐᓂᓯᓯᒪᔪᖅ ᐱᓕᕆᑎᑦᑎᔾᔪᑎᓂᒃ ᐊᒻᒪᓗ ᐃᓕᓐᓂᐊᕈᑎᓂᒃ ᐃᓄᒃᑎᑐᑦ ᐃᓄᖕᓄᑦ ᐃᓕᓐᓂᐊᖅᑐᓄᑦ, ᐳᖅᑐᓂᖅᓴᓄᑦ ᐃᓕᓐᓂᐊᕈᒪᔪᓄᑦ ᑕᒪᐅᓐᓇ ᐱᓕᕆᖃᑎᒋᓪᓗᒋᑦ ᐃᓕᓐᓂᐊᕐᕕᒃᔪᐊᖅ ᕕᒃᑐᐊᕆᐊ. ᒪᑭᒪᓂᖅ ᐱᓕᕆᑎᑦᑎᔾᔪᑎᖓᑦ ᐊᐅᓪᓗᑎᔪᖅ ᑕᒪᐃᓐᓄᑦ ᐊᕐᓇᕈᕐᓂᕐᒥᒃ ᐊᒻᒪᓗ ᐅᑎᑦᑎᐊᕐᓂᖅ ᐊᖑᑎᑦ ᖃᓄᐃᖏᑦᑎᐊᖁᓗᒋᑦ ᐃᖏᕐᕋᓯᑎᑕᐅᓯᒪᔪᑦ.

Nancianne Grey

ᓈᓐᓯᐋᓂ ᒍᓕᐄ ᐃᓇᖐᓯᒪᔪᖅ ᐊᐅᓚᑦᓯᔨᑦ ᑐᑭᒧᐊᒃᑎᖓᓂᑦ ᓴᑐᕐᕖᑦ ᐃᓄᐃᑦ ᐊᕐᓇᐃᑦ ᑲᑐᔾᔨᖃᑎᒌᑦ ᓄᓇᕕᒻᒥ. ᐅᑯᐊ ᐊᐅᓚᑦᓯᔩᑦ ᑲᔪᖏᖅᓴᐃᓲᑦ ᐊᕐᓇᓂᒃ ᐱᐅᔪᓂᒃ ᐋᕿᒃᓯᖃᑦᑕᖁᓪᓗᒋᑦ ᐱᓕᕆᖃᑦᑕᖁᓪᓗᒋᑦ ᐋᕿᑦᑎᐊᖅᓯᒪᓂᐊᕐᒪᑦ ᐃᓅᓯᖅ ᐊᒻᒪᓗ ᑮᓇᐅᔭᓕᐅᕐᓂᖅ ᖃᓄᐃᖏᑦᑎᐊᕈᑕᐅᓗᑎᒃ. ᐅᑯᐊ ᓂᕈᐊᖅᑕᐅᓯᒪᔪᑦ ᐃᑲᔪᓲᑦ ᐊᕕᒃᑐᖅᓯᒪᔪᑎᒍᑦ ᐊᒻᒪᓗ ᑲᓇᑕᒥ ᐱᓕᕆᑎᑦᑎᔾᔪᑎᓄᑦ ᐊᒻᒪᓗ ᐱᔨᑦᑎᕋᐅᑎᓄᑦ ᐊᑐᖅᑕᐅᓂᐊᖅᑐᓂᒃ ᖃᓄᐃᖏᑦᑎᐊᖁᓪᓗᒋᑦ ᐊᕐᓇᐃᑦ, ᓄᑕᖃᑦ, ᐊᒻᒪᓗ ᐃᓚᒌᑦ. ᓈᓐᓯᐋᓂ ᐅᖃᓪᓚᒃᑐᖅ ᐊᑐᖅᓯᒪᔭᒥᓂᒃ ᐊᒻᒪᓗ ᐊᖁᑎᒋᓯᒪᔭᒥᖕᓂᒃ ᑎᑭᐅᑎᓯᒪᕗᖅ ᐃᖅᑲᓇᐃᔮᒥᓄᑦ ᒫᓐᓇ ᐱᓕᕆᓕᖅᑕᒥᓄᑦ.

Ann Hanson

ᐋᓐ ᒥᑭᔾᔪᒃ ᕼᐋᓐᓴᓐ, ᕿᒻᒥᕈᒻᒥᐅᑕᑐᖃᖅ ᑭᓯᐊᓂ ᓅᓯᒪᔪᖅ ᐃᖃᓗᖕᓄᑦ ᓂᕕᐊᖅᓵᖑᓪᓗᓂ. ᕼᐋᓐᓴᓐ ᐅᖃᐅᓯᖃᖅᑐᖅ ᐊᑐᖅᓯᒪᔭᒥᓂᒃ ᑕᕐᕆᔭᐅᓯᐊᖑᓪᓗᓂ, “ᓗᐃᓴ”, ᐅᓇ ᑐᑭᓯᓇᓱᖃᑎᖃᖅᖢᑎᒃ ᐃᑲᔪᖅᑎᒌᒡᓗᑎᒃ ᐃᓄᐃᑦ ᑐᓴᒐᒃᓴᓕᕆᔨᒃᑯᑦ ᑯᐊᐳᕆᓴᓐ. ᓴᓇᔭᐅᓚᐅᖅᓯᒪᔪᖅ ᖃᐅᔨᒪᓕᕐᓂᐊᕐᒪᑕ ᐱᑦᑎᐊᖃᑦᑕᐅᑎᖃᑦᑕᓐᖏᓐᓂᖅ ᓂᖓᕐᓂᖅ ᐃᓄᖕᓂᒃ ᐊᕐᓇᓂᒃ ᐊᒻᒪᓗ ᐋᓐ ᕼᐋᓐᓴᓐ ᐅᖃᐅᓯᖃᖅᑐᖅ ᐱᔾᔪᑖᓂᒃ ᐱᒻᒪᕆᐅᓪᓗᓂ ᐱᓕᕆᐊᖑᓚᐅᖅᑐᖅ, ᐊᒻᒪᓗ ᖃᓄᖅ ᐱᔭᕐᓂᓚᐅᓐᖏᓂᖓ ᓴᕿᑎᓐᓇᓱᒃᖢᒍ.

Elisapie Isaac

ᐃᓕᓴᐱ ᐊᐃᓴᒃ ᐃᓐᖏᖅᑎ, ᐊᒻᒪᓗ ᑎᑕᒃᑎ ᓄᓇᖃᖅᑐᖅ ᓴᓪᓗᐃᑦ, ᓄᓇᕕᒃ. ᐅᖃᓪᓚᒃᑐᖅ ᐊᐱᖅᓱᖅᑕᐅᓪᓗᓂ ᐱᔾᔪᑎᒋᓪᓗᒍ ᐱᕈᖅᓴᓂᕕᓂᓂ ᐊᑯᓂᒍᓱᒃᐸᓚᐅᖅᑐᖅ ᓄᓇᒧᑦ ᐊᐅᓪᓛᕐᓂᐊᕋᒥᒃ ᐃᕗᔨᕕᖕᒥ ᐊᒻᒪᓗ ᓂᕿᓪᓚᑖᓂᒃ ᓂᕿᑖᕐᓗᑎᒃ. ᐱᔾᔪᑎᒋᓪᓗᒋᑦ ᐊᓯᖑᖅᑐᑦ ᓄᓇᒥᓂ ᐊᒻᒪᓗ ᓄᓇᕕᒃ ᑕᒪᐃᓐᓄᑦ ᐊᒻᒪᓗ ᓂᔾᔭᐅᓯᔭᖅᑎᑦ ᑐᓴᕐᓈᖃᑦᑕᓚᐅᖅᓯᒪᔭᓂ. ᐊᒻᒪᓗ ᐱᔾᔪᑎᒋᓪᓗᒍ ᐃᖅᑲᓇᐃᔮᓂ ᐅᖃᓪᓚᒡᕕᖕᒥ ᐊᒻᒪᓗ ᖃᓄᖅ ᐱᒻᒪᕆᐅᓂᖓ ᑕᒪᓐᓇ ᑐᓴᐅᒪᖃᑎᒌᖕᓂᖅ ᐅᖃᓪᓚᖃᑦᑕᕐᓂᖅ ᐃᓄᐃᑦ ᓄᓇᖏᓐᓂ.

Noel Kaludjak

ᓅᓪ ᖃᓗᔾᔭᖅ ᑲᖏᖅᖠᓂᕐᒥᐅᑕᖅ, ᓴᕿᑦᑎᓯᒪᔪᖅ ᐊᖑᑎᑦ ᖁᕝᕙᕆᐊᕈᓐᓇᖅᑐᑦ ᐱᓕᕆᑎᑦᑎᔾᔪᑎ 2008-ᒥ ᐃᓂᖃᖅᑎᑦᑎᔪᖅ ᐃᑲᔪᖅᑕᐅᓗᑎᒃ ᐊᒻᒪᓗ ᒪᒥᓴᕐᓗᑎᒃ ᐊᖑᑎᑦ. ᓅᓪ ᐅᖃᐅᓯᖃᖅᑐᖅ ᖃᓄᖅ ᐱᓕᕆᑎᑦᑎᔾᔪᑎᖓ ᐱᒋᐊᓚᐅᕐᒪᖔᑦ ᐱᔾᔪᑎᒋᓪᓗᒍ ᑭᓐᖒᒪᓇᓚᐅᕐᒪᑦ ᒪᒃᑯᒃᑐᓄᑦ ᐊᖑᑎᓄᑦ ᐃᑲᔪᖅᑕᐅᔭᕆᐊᓕᖕᓄᑦ ᐱᕈᖅᐸᓪᓕᐊᓗᑎᒃ, ᐃᓂᒋᔭᖓ ᒪᒥᓴᕐᕕᐅᓗᓂ ᐅᓗᕆᐊᓇᖅᑐᑰᖅᓯᒪᔪᓂᑦ ᓄᑕᕋᐅᓂᕐᒥᓂᑦ ᐊᒻᒪᓗ ᐃᓕᑦᑎᓗᑎᒃ ᐅᐃᑦᑎᐊᕙᐅᓂᖅᓴᐅᔪᓐᓇᕐᓂᕐᒥᒃ ᐊᒻᒪᓗ ᐊᑖᑕᑦᑎᐊᕙᐅᔪᓐᓇᕐᓂᕐᒥᒃ.

Na'kuset

ᓈᒃᑯᓯᑦ ᐃᓅᓂᑯ ᓴᔅᑳᑦᓱᐊᓐ. ᑎᒍᐊᖑᓂᑯ ᐊᑖᑕᒃᑯᒥᖕᓂ ᐊᓈᓇᒃᑯᒥᖕᓂ ᒪᓐᑐᕆᐊᒥ ᐊᒻᒪᓗ ᐃᖅᑲᓇᐃᔭᖅᑐᖅ ᐅᖓᑖᓂ 25 ᐊᕐᕌᒍᓂᒃ ᐊᓪᓚᐃᑦ ᐊᕐᓇᐃᑦ ᕿᒫᕕᖓᓂ ᒪᓐᑐᕆᐊᒥ. ᐅᓇ ᒫᓐᓇ ᐊᐅᓚᑦᓯᔨᑦ ᑐᑭᒧᐊᒃᑎᖓ. ᓈᒃᑯᓯᑦ ᐅᖃᓪᓚᒃᑐᖅ ᐃᖅᑲᓇᐃᔮᒥᓂᒃ ᐱᓕᕆᕙᒃᑕᒥᓂᒃ, ᖃᓄᐃᒻᒪᑦ ᑲᔪᓯᖕᒪᖔᑦ ᑕᒪᑐᒥᖓ ᐃᖅᑲᓇᐃᔮᖃᖅᖢᓂ ᐊᒻᒪᓗ ᖃᓄᖅ ᑲᔪᓯᖕᒪᖔᑦ ᐃᑲᔪᕈᒪᓪᓗᓂ ᐃᑳᕈᑎᒃᓴᓄᑦ ᐃᖅᐸᖅᓯᒪᔪᓂᑦ ᐅᑯᐊᓗ ᓇᓗᓇᐃᖏᑦᑎᐊᖅᑐᑦ ᐊᑐᖅᓯᓪᓗᓂ ᐊᓪᓚᐃᑦ ᐃᓄᓕᕆᔾᔪᓯᖏᓐᓂᒃ ᓄᓇᖅᑲᖅᑳᖅᓯᒪᔪᓄᑦ.

Gerri Sharpe

ᐅᖅᓱᖅᑑᕐᒥᑦ ᐊᒻᒪᓗ ᐃᖃᓗᒃᑑᑦᑎᐊᕐᓂᑦ, ᔨᐅᓕ ᓵᑉ ᒫᓐᓇ ᓄᓇᖃᖅᑐᖅ ᔭᓗᓇᐃᕝ. ᐅᖃᐅᓯᖃᖅᑐᖅ ᐱᔾᔪᑎᒋᓪᓗᒋᑦ ᐃᓚᒌᑦ ᐃᒻᒪᑲᓪᓚᓂᑦ ᐱᑦᑎᐊᖃᑦᑕᐅᑎᖃᑦᑕᓐᖏᓂᖅ ᐊᒻᒪᓗ ᖁᐊᖅᓵᕐᓇᖅᑐᒦᑦᑐᑦ ᐊᒻᒪᓗ ᖃᓄᖅ ᑕᒪᓐᓇᐊᒃᑐᐃᓯᒪᓂᖓ ᐃᒻᒥᓄᑦ ᐊᒻᒪᓗ ᖃᓄᖅ ᑕᑯᓯᒪᔭᒥ ᐃᓛᒋᓂ ᐃᓐᓇᐅᓕᖅᖢᓂ. ᔨᐅᓕ ᒪᕐᕉᖕᓂᒃ ᐊᑕᕕᖃᓚᐅᖅᑐᖅ ᐊᐅᓚᑦᓯᔨᐅᓪᓗᓂ ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ, ᐃᑲᔪᖅᑐᖅ ᖃᐅᔨᒪᔭᐅᓕᑦᑎᐊᖁᓪᓗᒋᑦ ᐱᔾᔪᑕᐅᔪᑦ ᐅᑯᐊ ᐃᓄᐃᑦ ᐊᕐᓇᐃᑦ ᓵᓯᒪᖃᑦᑕᖅᑕᖏᑦ.

Mary Simon

ᒥᐊᔨ ᓴᐃᒪᓐ ᐱᕈᖅᓴᓂᑯ ᑰᒡᔪᐊᑐᖃᒥ ᐃᓕᑦᑎᓚᐅᖅᑐᖅ ᐃᓐᓇᑐᖃᕐᒥᓂᑦ ᑕᒪᑐᒥᖓ ᐱᐅᓯᑐᖃᕐᒥᖕᓂᒃ ᐊᒻᒪᓗ ᖃᓄᖅ ᑐᑭᖃᕐᒪᖔᑦ ᓄᓇᖃᑎᒌᖕᓂᖅ ᓄᓇᑐᐃᓐᓇᒥ ᐃᓄᒃᑎᑐᒻᒪᕆᒃ. ᑲᔪᖏᖅᓴᐅᑎᒋᓯᒪᔭᓂ ᑐᑭᓯᓇᓱᒃᕕᐅᓯᒪᓐᖏᓗᐊᕆᓪᓗᒋᑦ ᐃᓄᐃᑦ ᓄᓇᕕᒻᒥ 1970ᓂ. ᒥᐊᔨ ᓵᓚᒋᔭᐅᑦᑕᐃᓕᑎᑦᑏᓐᓇᖅᐳᖅ ᐱᔪᓐᓇᐅᑎᒥᖕᓂᒃ ᐊᒻᒪᓗ ᐃᓕᓴᕆᔭᐅᓗᓂ ᐃᓄᐃᑦ ᐱᐅᓯᖓ, ᐱᖁᑎᑐᖃᖏᑦ, ᐅᖃᐅᓯᖓ ᐊᒻᒪᓗ ᐃᓅᓯᖓᑦ ᑕᐃᒪᖓᓂᑦ. ᒫᓐᓇ ᑭᖕ ᑭᒡᒐᖅᑐᖅᑎᖓ ᑲᓇᑕᒧᑦ ᐊᒻᒪᓗ ᑕᐃᑲᓃᑦᑐᖅ ᑕᐃᒪᖓᓂᑦ ᔪᓚᐃ 2021.

Aggiu Lillian Dimitruk and Chelsea McCulla Uppahuak Prusky

ᒪᕐᕉᒃ ᒪᒃᑯᒃᑐᒃ ᐃᓄᒃ ᐊᕐᓈᒃ, ᐊᒋᐅᖅ ᓕᓕᐊᓐ ᑎᒥᑐᓚᒃ ᐊᒻᒪᓗ ᓯᐅᓯ ᒥᒃᑯᓪᓚ ᐅᑉᐸᕼᐅᐊᒃ ᐳᓗᔅᑭ, ᐅᑯᐊ ᑕᒪᕐᒥᒃ ᐃᓕᓐᓂᐊᖅᑐᒃ ᓄᓇᕗᑦ ᓯᕗᓂᒃᓴᕗᑦ, 2-ᐊᕐᕌᒍᓄᑦ ᐃᓕᓐᓂᐊᖅᑎᑦᑎᓲᑦ. ᑐᓴᖅᑎᑦᑎᔪᑦ ᑕᐅᑦᑐᕐᒥᖕᓂᒃ ᖃᓄᖅ ᐱᕈᖅᓴᓪᓗᑎᒃ ᐃᓄᑭᑦᑐᓂ ᓄᓇᓕᖕᓂ ᐱᔭᕐᓂᓐᖏᑦᑑᔪᓐᓇᖅᑐᖅ ᓇᖕᒥᓂᖅ ᓂᓪᓕᐅᑎᖃᕋᓗᐊᖅᖢᓂ ᐊᒻᒪᓗ ᖃᓄᖅ ᓅᓐᓇᒥ ᓄᓇᒥ ᐊᓯᐊᓄᑦ ᐊᓯᖑᖅᓯᒪᔪᖅ ᖃᓄᑦ ᐃᒻᒥᓂᒃ ᑕᐅᑦᑐᖕᓂᕐᓂᓕᒃ ᐊᒻᒪᓗ ᐃᓚᒌᒍᓯᕐᒥᒃ. ᐅᖃᐅᓯᖃᓚᐅᕐᒥᔪᒃ ᖃᓄᖅ ᐱᒻᒪᕆᐅᓂᖏᑦ ᓄᓇᓕᒃ, ᐱᖃᓐᓇᕆᔭᑦ ᐊᒻᒪᓗ ᐊᕐᓇᐅᖃᑎᑦ ᒪᒥᓴᖅᖢᓂ ᐊᒻᒪᓗ ᐸᕿᓪᓗᓂ ᐊᕐᓇᓂᒃ ᐊᒻᒪᓗ ᓂᕕᐊᖅᓵᓂᒃ.

ᐊᐱᖅᓱᖅᑕᐅᔪᓂᒃ