1. ᐅᖃᖃᑎᖃᕐᓂᖅ ᐃᓐᓇᕐᓂᒃ

ᑕᕝᕙᓂ ᓯᕗᓪᓕᖅᐹᖓᓂ ᑕᕐᕆᔮᒃᓴᖅ ᐅᐃᒍᖓ, ᐃᓐᓇᑐᖃᐃᑦ ᐊᔾᔨᒌᓐᖏᑦᑐᓂᒃ ᓄᓇᓕᖕᓂᑦ ᐅᓂᒃᑳᓚᐅᖅᑐᑦ ᖃᐅᔨᒪᔭᒥᖕᓂᒃ ᐊᒻᒪᓗ ᐊᑐᖅᓯᒪᔭᕐᒥᖕᓂᒃ ᐱᒋᐊᖅᖢᑎᒃ ᓯᕗᓕᑐᖃᖓᓂᑦ ᖃᓪᓗᓈᑦ ᑎᑭᓚᐅᖅᓯᒪᑎᓐᓇᒋᑦ ᐃᓄᒃᑕᑑᓱᖓᖅᖢᑎᒃ. ᑕᐃᔅᓱᒪᓂ ᐊᖑᑕᖑᒐᓗᐊᕈᓂ ᐊᕐᓇᐅᒐᓗᐊᕈᓂ ᐋᕿᑦᑎᐊᖅᓯᒪᓪᓗᑎᒃ ᐊᒻᒪᓗ ᐃᓅᓯᖅ ᐱᔭᕐᓂᖅᑑᓂᖅᓴᐅᓚᐅᖅᑐᖅ ᐃᓚᖓᒍᑦ. ᓇᓗᓇᕈᓐᓃᓚᐅᖅᓯᒪᕗᖅ ᑕᒪᒃᑯᐊ ᐱᓯᒪᐃᓐᓇᕐᓗᒋᑦ ᐊᑑᑎᖃᖅᑐᑦ ᑕᐃᔅᓱᒪᓂᐋᓗᖕᓂᑦ ᐅᓪᓗᒥᒧᑦ, ᒫᓐᓇ ᐊᔾᔨᒌᓐᖏᑦᑐᓂᒃ ᑐᓴᖅᑎᑕᐅᖃᑦᑕᖅᖢᓂ ᐊᕐᓇᐃᑦ ᓵᑦᑎᓯᒪᔪᑦ ᐊᑐᖅᓯᔪᑦ ᐋᓐᓂᖅᓯᖅᑕᐅᕙᒃᑐᑦ. ᐅᑯᐊ ᐃᓐᓇᑐᖃᐃᑦ ᐅᖃᓪᓚᓲᑦᑕᐅᖅ ᐱᔾᔪᑎᒋᓪᓗᒍ ᐅᓪᓗᒥ ᐃᓅᓯᕆᔭᕐᒥᖕᓂᒃ. ᐊᔾᔨᓕᐅᖅᑕᐅᔪᒥᒃ ᑐᑭᒧᐊᒃᑎᑦᑎᔨᕗᑦ ᐊᒻᒪᓗ ᐊᔾᔨᓕᐅᖅᑕᐅᔪᑦ ᑕᒪᕐᒥᒃ ᕿᓂᖅᑐᑦ ᖃᓄᖅ ᐃᒃᐱᒍᓱᑦᑎᐊᕐᓂᕐᒥᒃ ᓯᓚᑐᔫᑎᖏᑦ ᖃᐅᔨᒪᔭᖏᑦ ᐃᓐᓇᑐᖃᐃᑦ ᑭᓯᐊᓂᑦᑕᐅᖅ ᐃᑲᔫᑎᖕᒥᓗᑎᒃ ᐅᓪᓗᒥ ᐃᓅᓯᕆᔭᐅᓕᖅᑐᓄᑦ ᐊᑐᖅᑕᐅᓕᖅᑐᓄᑦ.