ᒥᐊᓕ ᐱᑦᓯᐅᓛᖅ ᐳᓯᒥ, ᐅᓇ ᐃᓄᒃ, ᐱᕈᕐᓂᑯ ᑭᒻᒥᕈᑦ, ᓄᓇᕗᑦ. ᐅᓇ ᒫᓐᓇ ᓄᓇᖃᖅᑐᖅ ᑳᑎᓄ, ᑯᐸᐃᒃ. ᒥᐊᓕ ᐱᒋᐊᓚᐅᖅᓯᒪᔪᖅ ᐱᓐᖑᐊᕐᓂᕐᒥᒃ ᑕᕐᕆᐅᓯᐊᖑᓪᓗᓂ 2007-ᒥ, ᓴᕿᔮᖅᑎᑦᑎᓯᒪᔪᖅ ᓄᒫᓇᖅᑐᓂᒃ ᐱᓐᖑᐊᖃᑦᑕᖅᓯᒪᔪᖅ ᑕᕐᕆᔭᐅᑎᓂ Necessities of Life/Ce Qu'il Faut Pour Vivre, ᐅᓇ ᑕᐃᒪᖓᓂᑦ ᐊᒥᓱᓂᒃ ᑕᕐᕆᔭᐅᓯᐊᖑᓯᒪᔪᖅ ᑕᕐᕆᔭᐅᑎᓂ ᐊᒻᒪᓗ ᑕᓚᕖᓴᓂ. ᖁᕕᐊᒋᔭᓕᒃ ᓂᐱᓕᐅᕆᔭᕆᐊᒃᓴᖅ ᐅᖃᓕᒫᒐᕐᓂᑦ ᐊᒻᒪᓗ ᑕᕐᕆᔭᐅᓯᐅᕆᐊᒃᓴᖅ, ᐱᓗᐊᖅᑐᒥᒃ ᐃᓄᒃᑐᑦ, ᐱᕈᖅᓴᓪᓗᓂ ᐅᖃᐅᓯᖅ ᐊᑐᖅᓯᒪᔭᓂ.
ᐃᒻᒥᓄᑦ ᐊᑑᑎᖃᕐᓂᖅᐹᖅ ᒥᐊᓕᒧᑦ ᐱᓐᖑᐊᖅᖢᒍ ᐊᕕᓕᐊᖅ, ᓇᐃᑦᑐᖅ ᓴᕿᑎᑕᐅᓯᒪᔪᖅ ImagineNative, ᐊᒻᒪᓗ ᐱᓕ ᓇᐃᑦᑐᖅ, ᐅᓇ ᐃᓄᖑᐊᖅ ᐃᓄᒃᑎᑐᑦ ᑎᔅᓯᓇᖅᑐᖅ ᑕᓚᕖᓴᒃᑯᑦ ᓴᕿᔮᓲᖅ ᖃᓄᕐᓕ? ᐅᓇ ᖃᖓᑦᑎᐊᓵᖅ ᐱᓕᕆᐊᕆᓚᐅᖅᑕᖓ ᐊᒃᓱᕈᖅᖢᓂ 6-ᐅᐃᒍᓕᕇᑦ ᐅᓂᒃᑳᖅᑐᑦ ᑕᕐᕆᔭᐅᑎ ᐱᔾᔪᑎᒋᓪᓗᒍ ᐱᑦᑎᐊᖃᑦᑕᓐᖏᓂᖅ ᐋᓐᓂᖅᓯᕆᖃᑦᑕᕐᓂᖅ ᐃᓄᖕᓂᒃ ᐊᕐᓇᓂᒃ, ᐊᑎᖃᖅᑐᖅ ᐊᕐᓈᐱᒃ, ᓴᕿᑦᑐᒫᖅᑐᖅ ᐅᑭᐊᒃᓵᖅ 2025.
ᒥᐊᓕ ᐅᐸᒃᓯᓯᒪᓲᖅ ᓯᑐᓛᑦᕗᑦ ᑕᑯᒃᓴᐅᑎᑦᑎᔪᑦ 2017, ᓄᐊᑦ ᐊᒥᐊᓂᒐ ᐊᖏᓛᑦ ᑕᑯᓈᖅᑎᑦᑎᕕᑦ ᐱᓐᖑᐊᖅᑐᓂᒃ. ᐅᓇᑦᑕᐅᖅ ᐱᓐᖑᐊᖅᓯᒪᔪᖅ ᑕᐃᑲᓂ ᑳᓖᓐ ᒨᕕᐅᑉ Colleen Murphy’s The Breathing Hole, ᑕᐃᑲᓂ ᑲᓇᑕ ᐱᓐᖑᐊᕐᕕᒻᒪᕆᖓᓂ ᑎᓯᐱᕆ 2022, ᐊᒻᒪᓗ ᐄᕕᑦ ᓅᓚᓐᑦ Yvette Nolan’s The Unplugging ᑕᐃᑲᓂ ᒍᓕᑦ ᑲᓇᑕᒥ ᑕᑯᓐᓈᖅᑎᑦᑎᕕᑦ ᑲᒻᐸᓂ 2023-ᒥ.
ᐅᓇ ᐊᔪᒋᑦᑎᐊᖅᑐᖅ ᐱᓐᖑᐊᖅᑎ ᑕᕐᕆᓴᐅᑎᑦᑎᒍᑦ ᐊᔪᖏᑦᑎᐊᖅᑕᖏᑦ ᐃᓄᒃᑎᑐᑦ, ᒥᐊᓕ ᑕᒫᐅᖓᐃᓯᒪᕗᖅ ᓴᖕᖏᔪᒥᒃ ᓴᕿᔮᖅᑎᑦᑎᔪᓐᓇᖅᖢᓂ ᑕᕐᕆᔭᐅᓯᐊᑎᒍᑦ ᐊᒻᒪᓗ ᐱᓐᖑᐊᕐᕕᒃᔪᐊᒥ.

ᒪᐃᐊ ᓚᑦᔪᕙ ᐊᒥᐊᕆᓲᖅ ᓴᓇᖕᖑᐊᖅᑎ, ᑕᕐᕆᔭᐅᓯᐅᓲᖅ, ᐊᒻᒪᓗ ᑎᑎᕋᐅᔭᖅᓯᒪᔪᓂᒃ ᐅᓂᒃᑳᓕᐅᓲᖅ. ᐅᓇ ᐊᑐᖅᓯᓲᖅ ᑭᓱᑐᐃᓐᓇᓂᒃ ᓴᓇᓪᓗᓂ ᕿᓂᖅᖢᓂ ᖃᓄᖅ ᐊᑕᑦᑎᐊᖅᑎᒋᖕᒪᖔᑕ ᓯᓚᕐᔪᐊᒥ ᓱᕋᑦᑎᓯᒪᔪᑦ ᒥᑭᔫᑎᑦ ᐃᓅᓯᓕᕆᓂᕐᒥ ᐊᒻᒪᓗ ᓂᕈᐊᖅᑕᐅᓯᒪᓂᕐᒥᑦ ᐊᔭᐅᖅᓯᓂᖅ ᐊᒻᒪᓗ ᓇᖕᒥᓂᖅ ᐅᓗᕆᐊᓇᖅᑐᒦᓯᒪᔭᒥᓂᒃ. ᐅᓇ ᓯᕗᓪᓕᖅᐹᖅ ᐅᓂᒃᑳᖅᑐᓂᒃ ᑕᕐᕆᔭᐅᓯᐊᕆᓯᒪᔭᖓ Grass Through Concrete - ᐊᒃᓱᕈᕐᓂᖅ ᓴᐳᒻᒥᓇᓱᒃᓗᒍ ᐅᓕᑦ ᕼᐃᐅ ᕚᓕ (72 ᒥᓂᑦᔅ, 2004) ᓴᕿᔮᖅᑎᑕᐅᓯᒪᔪᑦ ᑕᒪᐃᓐᓂ ᑲᓇᑕᒥ. ᐱᖃᑖ ᑕᕐᕆᔭᐅᓯᐊᖓ Green Dream (50 ᒥᓂᑦᔅ, 2015) ᒪᑐᐃᓚᐅᖅᑐᖅ Sofia Biting ᐅᓂᒃᑳᖅᓯᒪᔪᑦ ᑕᕐᕆᔭᐅᑎ ᓴᕿᔮᖅᑎᑕᐅᓯᒪᔪᖅ ᐴᒋᐅᓕᐊ, ᑕᓚᕖᓴᒃᑯᓪᓗ ᑲᓇᑕ, ᐊᔅᑐᐃᓕᐊ, ᒪᓚᐃᓴ, ᓱᕕᑦᓱᓚᓐᑦ, ᐊᒻᒪᓗ ᑐᓂᔭᐅᓯᒪᔪᖅ ᑕᕐᕆᔭᒐᒃᓴᑦᑎᐊᕙᐅᓛᖑᓂᖓᓂᒃ 6-ᖓ ᓯᓚᕐᔪᐊᒥ Eco Fest, ᐅᓗᒥᓂᐊ, 2016. ᓚᑦᔪᕙ ᑎᒍᒥᐊᖅᑐᖅ ᐃᓕᓐᓂᐊᕐᕕᒃᔪᐊᒥᑦ ᐃᓱᓕᑦᑎᔾᔪᑎᒥᓂᒃ ᓴᓇᖕᖑᐊᖅᑐᓕᕆᓂᕐᒧᑦ ᐱᓐᖑᐊᕐᓂᕐᒧᓪᓗ ᐃᓕᓐᓂᐊᕐᕕᒃᔪᐊᖓᓂ ᒍᐃᕝ, ᑲᓇᑕ. ᐅᓇ ᐱᓕᕆᐊᖃᐃᓐᓇᖅᓯᒪᔪᖅ ᑐᓴᖅᑕᐅᖁᓪᓗᒋᑦ ᓴᕿᔮᖅᑎᓪᓗᒋᑦ ᓂᐱᖏᑦ ᐊᕐᓇᐃᑦ ᑕᕐᕆᔭᐅᑎᒃᑯᑦ ᐊᒻᒪᓗ ᑎᑎᕋᐅᔭᖅᓯᒪᔪᑎᒍᑦ. ᐅᓇ ᐃᓂᖃᖅᑎᑦᑎᖃᑕᐅᓯᒪᔪᖅ ᓈᓚᐅᑎᑰᖃᑦᑕᖅᖢᑎᒃ ᐊᕐᓇᐃᑦ ᒥᒃᓵᓂᒃ ᑐᓴᒐᒃᓴᖃᕐᕕᒃ AdaX (ᑕᐃᔭᐅᕙᓚᐅᖅᑐᖅStudio XX), 5 ᐊᕐᕌᒍᓄᑦ. ᑕᐃᒪᖓᓂᑦ 2016 ᐃᓚᒋᔭᐅᖏᓐᓇᖅᑐᖅ ᐃᓄᖕᓂ ᓯᕗᓕᐅᕆᓪᓗᓂ ᐃᓱᒪ ᓄᐊᓯᒪᔭᖏᓐᓄᑦ. ᐅᑯᐊ ᐃᓕᓴᕆᔭᐅᔪᓐᓇᖅᑐᖅ ᓴᓇᔭᖓᓂ ᐊᑕᓈᕐᔪᐊᖅ: ᐅᕿᓚᔪᖅ, ᓵᓚᖃᖅᓯᒪᔪᖅ Camera D’Or ᑳᓐᔅᓂ. ᐃᓱᒪ ᓄᐊᓯᒪᔭᖏᑦᑎᒍᑦ ᑭᒡᒐᖅᑐᖅᖢᓂ ᑲᓇᑕᒥᒃ 58ᖓ Venice Biennale, 2019.

ᓘᓯ ᑐᓗᒑᕐᔪᒃ ᓵᓚᖃᖅᓯᒪᔪᖅ ᐱᓐᖑᐊᖅᑎ ᑕᕐᕆᔭᐅᑎᑦᑎᒍᑦ, ᓴᓇᑐᔪᖅ ᐱᓐᖑᐊᖅᑎ, ᐊᒻᒪᓗ ᐊᐅᓚᑦᓯᔨ ᓄᓇᕗᑦ ᑕᓚᕖᓴᖓ, ᓇᖕᒥᓂᖁᑎᖓᑦ ᑲᓇᑕᒥ ᓯᕗᓪᓕᖅᐹᖅ 24/7 ᐃᓄᒃᑐᑦ ᐅᖃᓪᓚᒃᑐᑦ ᑕᓚᕖᓴᖅ, ᐅᕙᒍᑦ ᑕᓚᕖᓴᖅ. ᓘᓯ ᖃᐅᔨᒪᔭᐅᑦᑎᐊᖅᐳᖅ ᐱᓐᖑᐊᖃᑦᑕᕐᓂᖓᓄᑦ ᑕᕐᕆᔭᐅᑎᓂ, ᐊᒻᒪᓗ ᓵᓚᖃᖅᓯᒪᔪᖅ ᐱᓐᖑᐊᒃᑲᐅᓂᖅᐹᖅ ᐊᕐᓇᓂ ᐊᒥᐊᓕᒐᓂ ᐊᓪᓚᐃᑦ ᑕᕐᕆᔭᐅᓯᐅᖅᑎᖏᑦ ᐱᓐᖑᐊᑦᑎᐊᓚᐅᕐᓂᖓᓄᑦ ᐊᑕᓈᕐᔪᐊᑦ, ᐅᓇᓗ ᓵᓚᖃᓚᐅᖅᑐᖅ Camera d’Or ᐊᒻᒪᓗ Genie Award ᐱᐅᓂᖅᐹᖅ ᑕᕐᕆᔭᐅᓯᐅᖅᓯᒪᔪᓂ 2002-ᒥ. ᐅᓇ ᑎᑎᕋᖃᑕᐅᓚᐅᖅᑐᖅ ᐊᒻᒪᓗ ᐊᔾᔨᓕᐅᖅᑕᐅᔪᓂᒃ ᑐᑭᒧᐊᒃᑎᒋᔭᐅᓪᓗᓂ 2018 ᑕᕐᕆᔭᐅᓯᐊᒥ, ᑎᐊ ᐊᒻᒪᓗ ᐱᐅᔪᖅ, ᐅᑯᐊᓗ ᓴᕿᔮᓚᐅᖅᑐᑦ Carrousel ᓄᑕᖃᓄᑦ ᑕᕐᕆᔭᐅᓯᐅᖅᓯᒪᔪᑦ ᓴᕿᔮᖅᑎᑦᑎᕕᖓᓂ ᐊᒻᒪᓗ ᐹᔅᑎᓐ ᓄᑕᖃᓄᑦ ᑕᕐᕆᔭᐅᓯᐅᖅᓯᒪᔪᑦ ᓴᕿᔮᖅᑎᑦᑎᕈᖓᓂ, ᐊᒻᒪᓗ ᓵᓚᖃᓚᐅᖅᑐᖅ ᔩᓐ ᒪᓚᐅᕆ ᓵᓚᖃᐅᓯᐊᖓᓂᒃ ᑕᐃᑲᓂ ᓴᕿᔮᖅᑎᑦᑎᔪᑦ ᑕᕐᕆᔭᐅᑎᓂᒃ ᓴᓇᔭᐅᔪᑦ ᑲᓇᑕᒥ ᑎᐄᑉ, ᕗᓛᓐᔅ. ᓘᓯ ᑎᑎᕋᖃᑕᐅᓚᐅᖅᑐᖅ ᐊᒻᒪᓗ ᓴᕿᑎᑦᑎᔨᐅᖃᑕᐅᓪᓗᓂ ᑐᑭᒧᐊᒃᑎᐅᖃᑕᐅᓪᓗᓂ ᑕᕐᕆᔭᐅᑎ, ᑕᐅᑐᒃᑕᕗᑦ (What We See) (2023), ᐅᓇᓗ ᓵᓚᖃᐅᓯᐊᓚᐅᕐᒥᔪᖅ 2023 Amplify Voices Award(ᑐᓛᓐᑐᒥ ᑕᕐᕆᔭᐅᑎᓂᒃ ᓴᕿᔮᖅᑎᑦᑎᕕᖓᓂ), ᐅᓇ Sun Jury Award (ImagineNATIVE), ᓴᓇᑦᑎᐊᖅᓯᒪᓂᖅᐹᖅ ᐅᓂᒃᑳᖅᑐᑦ ᑕᕐᕆᔭᐅᓯᐊᕆᓯᒪᔪᑦ ᐅᒥᐊ ᓯᓚᕐᔪᐊᒥ ᑕᕐᕆᔭᐅᓯᐊᓂᒃ ᓴᕿᔮᖅᑎᑦᑎᕕᖓᓂ, ᐊᒻᒪᓗ Umea ᓯᓚᕐᔪᐊᒥ ᑕᕐᕆᔭᐅᓯᐊᓂᒃ ᓴᕿᔮᕐᑎᑦᑎᕕᖓᓂ, ᐊᒻᒪᓗ ᐊᑎᖃᓚᐅᖅᑐᖅ ᑖᓐᓇᑯᐊᖅ “ᑐᓛᓐᑐ ᑕᕐᕆᔭᐅᓯᐊᓂᒃ ᓴᕿᔮᖅᑎᑦᑎᕕᖓ ᑲᓇᑕ ᖁᑎᖕᓂᖅᐹᓂ ᖁᓕᓂ” ᑕᕐᕆᔭᐅᓯᐊᑦ 2023-ᒥ. ᑕᐃᒪᓐᓇᐅᖕᒪᑦ ᓴᓇᔭᖓ ᑕᕐᕆᔭᐅᓯᐅᕐᓂᕐᒥ ᐊᒻᒪᓗ ᑕᓚᕖᓴᒥ, ᓘᓯ ᐊᔪᖏᑦᑎᐊᖅᑐᖅ ᐃᓄᒃᑐᑦ ᐃᓄᒃᑎᑑᓕᕆᔨ.

ᔨᓕᐊᓐ ᐅᓚᐱᓐᓴᓐ ᑎᑎᕋᖅᑎ, ᓇᖃᑎᕆᔨ ᑕᕐᕆᔭᐅᓯᐅᖅᓯᒪᔪᓂᒃ ᐊᒻᒪᓗ ᐱᓕᕆᐊᖑᒥᒃ ᐊᐅᓚᑦᑎᔨᐅᓪᓗᓂ. ᐅᖓᑖᓂ ᐊᓂᒍᖅᑐᑦ 23 ᐊᕐᕌᒍᑦ ᐃᖅᑲᓇᐃᔭᖅᑐᖅ ᐃᓱᒪ ᐊᔾᔨᓕᐅᖃᑦᑕᖅᓯᒪᔭᖏᓐᓂᒃ, ᐃᓄᐃᑦ ᑕᕐᕆᔭᐅᓯᐅᖅᑎᑦ ᑲᑎᒪᔨᑦ ᐊᒻᒪᓗ ᑕᓚᕖᓴᓕᕆᓂᖅ, ᑎᑎᕋᖅᑎᐅᓪᓗᓂ, ᑕᕐᕆᔭᖅᑕᐅᓂᐊᖅᑐᓂᒃ ᑎᑎᕋᓲᖅ, ᓇᑲᑎᕆᓲᖅ ᐊᒻᒪᓗ ᐱᓕᕆᐊᖑᔪᓂᒃ ᐊᐅᓚᑦᑎᓲᖅ. ᑭᖑᓂᑦᑎᓐᓂ ᐊᕐᕌᒍᓂ, ᑐᑭᒧᐊᒃᑎᐅᓚᐅᖅᑐᖅ ᓴᓇᖕᖑᐊᖅᑐᓕᕆᔨᒃᑯᑦ, ᐱᐅᓯᑐᖃᓕᕆᔨᒃᑯᑦ ᐊᒻᒪᓗ ᐃᓕᓐᓂᐊᖅᑐᓕᕆᓂᖅ Tr’ondek Hwech’in ᐊᓪᓚᐃᑦ, ᑖᓴᓐ ᓯᑎ, ᔫᑳᓐ; ᐃᓚᒋᓪᓗᒋᑦ ᓄᐊᑕᐅᓯᒪᔪᑦ ᑲᑎᖓᑎᑦᑎᓂᖅ Groupe Intervention Vidéo, ᒪᓐᑐᕆᐊᒥ, ᑯᐸᐃᒃ, ᑕᕐᕆᔭᐅᓯᐅᕐᕕᒃ ᐊᒻᒪᓗ ᑐᓂᐅᖃᐃᕕᒃ ᐅᓂᒃᑳᖅᓯᒪᔪᓂᒃ ᑕᕐᕆᔭᒐᒃᓴᓂᒃ ᐊᒻᒪᓗ ᓴᓇᖕᖑᐊᖅᑕᐅᓯᒪᔪᓂᒃ ᐊᕐᓇᓂᑦ; ᐃᑲᔪᖅᑎᐅᓯᒪᔪᖅ ᑎᑎᕋᖅᑎᐅᓪᓗᓂ ᐅᓂᒃᑳᓕᐅᖃᑦᑕᖅᖢᓂ Fuse ᐅᖃᓕᒫᒐᖅ. ᐅᓇ ᑎᑎᕋᖅᓯᐅᓯᒪᔪᖅ ᑎᑎᕋᖅᐸᓪᓕᐊᓂᑯᖏᓐᓂᒃ ᐊᑐᖅᓯᒪᔭᒥᓂᒃ ᓄᑦ ᐅᓚᔅᒥᓯᓐ (ᐅᖃᓕᒫᒐᖅ), ᐃᓱᒪ ᐃᓄᐃᑦ ᐃᓕᓐᓂᐊᕈᑎᖏᑦ ᐅᖃᓕᒫᒐᖅ,ᐊᒻᒪᓗ ᐊᑕᓈᕐᔪᐊᑦ (ᐅᖃᓕᒫᒐᖅ), ᐊᒻᒪᓗ ᐃᑲᔪᖃᑎᒌᒃᓯᒪᔪᑦ ᓴᓇᖕᖑᐊᖅᓯᒪᔪᓂᒃ ᑲᒪᔨ ᓴᕿᑦᑎᓂᐊᕋᒥᒃ ᐃᓱᒪ ᐅᖃᓕᒫᒐᖅ (2019) 58-ᖓᓄᑦ ᕕᓂᔅ ᐱᐋᓐᓇᓕ. ᔨᓕᐊᓐ ᑎᑎᕋᖅᑎ ᐊᒻᒪᓗ ᓇᑲᑎᕆᔨ ᑲᕐᕆᔭᐅᑎᒧᑦ, ᑕᐅᑐᒃᑕᕗᑦ (What We See) (2023), ᐅᓇᓗ ᓵᓚᖃᓚᐅᖅᑐᖅ ᐊᐃᑦᑑᓯᐊᖅᖢᓂ 2023 Amplify Voices Award (TIFF), ᐊᒻᒪᓗ Sun Jury Award (ImagineNATIV), ᐱᐅᓂᖅᐹᖅ ᐅᓂᒃᑳᖅᑐᑦ ᑕᕆᔭᐅᓯᐊᖏᑦ ᑖᒃᑯᓇᖓᑦ ᐅᒥᐊ ᓯᓚᕐᔪᐊᒥ ᑕᕐᕆᔭᐅᓯᕆᔨᑦ ᑕᑯᓐᓇᕆᐊᖅᑎᑦᑎᓲᑦ, ᐊᒻᒪᓗ ᐊᑎᖃᓚᐅᖅᑐᑦ ᐃᓚᒋᔭᐅᔪᖅ TIFF ᑲᓇᑕ ᖁᑎᖕᓂᖅᐹᒥ ᖁᓕᓂ” ᑕᕐᕆᔭᐅᓯᐅᖅᓯᒪᔪᓂ ᐱᐅᓂᖅᐹᖅ 2023-ᒥ.

ᒫᓯᓚ ᐃᓅᓚᐅᖅᑐᖅ ᐋᔨᓐᑏᓇ ᐊᒻᒪᓗ ᐱᕈᖅᓴᓪᓗᓂ ᐱᕋᒍᐃ. ᐅᓇ ᐊᓈᓇ ᐸᓂᖃᖅᑐᖅ ᐊᒻᒪᓗ ᐃᓂᕐᓂᖃᖅᖢᓂ. ᐃᓕᓐᓂᐊᓚᐅᖅᑐᖅ ᓇᖕᒥᓂᖃᖅᑐᓕᕆᓂᕐᒥᒃ ᐊᐅᓚᑦᑎᓂᖅ ᐱᕋᒍᐃ ᓯᕗᓂᐊᓂ ᐊᑭᐊᓂᕐᒥᐅᓂ ᑲᒪᕙᒃᑐᑦ ᑲᓇᑕ ᑎᓯᐱᕆ 2005-ᒥ. ᐅᓇ ᑲᓇᑕᒥᐅᑕᖑᓚᐅᖅᑐᖅ ᐊᒥᓱᓂ ᐊᕐᕌᒍᓂ ᐊᓂᒍᖅᓯᒪᓕᖅᑐᓂ. ᒫᓯᓚ ᐃᖅᑲᓇᐃᔭᖅᑐᖅ ᐃᓱᒪ ᓄᐊᓯᒪᔭᖏᓐᓂᒃ ᐊᓂᒍᖅᑐᓂ 10 ᐊᕐᕌᒍᓂ. ᐅᓇ ᐃᖅᑲᓇᐃᔭᖃᑦᑕᖅᓯᒪᔪᖅ ᐊᒥᓱᓂ ᐊᔾᔨᒌᓐᖏᑦᑐᓂ ᑕᕐᕆᔭᐅᓯᐊᖑᔪᓄᑦ ᓴᓇᔭᐅᔪᓂ ᐊᒥᓱᓄᑦ ᐊᕐᕌᒍᓄᑦ, ᒫᓐᓇᓵᖅ, ᓴᕿᑦᑎᓚᐅᖅᑐᖅ ᑕᕐᕆᔭᒐᒃᓴᓯᒃ ᐃᓄᖕᓄᑦ ᓴᓇᔨᑦ ᐊᒻᒪᓗ ᑲᔪᓯᓂᐊᖅᑐᖅ ᑕᕐᕆᔭᐅᓯᐊᖓ Fierce Prayer. ᒫᓐᓇᐅᓕᖅᑐᖅ, ᖁᔭᓕᕗᖅ ᓴᓇᖃᑎᖃᕈᓐᓇᕋᒥ ᖃᓂᒋᓪᓗᒋᑦ ᐃᓄᐃᑦ ᐱᓐᖑᐊᖅᑎᑦ ᐊᒻᒪᓗ ᑕᕐᕆᔭᐅᓯᐅᖅᑎᑦ, ᐊᒻᒪᓗ ᓄᓇᓕᖕᓂ, ᐃᑲᔪᖅᑎ ᐅᓂᒃᑳᕈᒪᔪᓂᒃ ᐃᓅᓯᕐᒥᖕᓂᒃ ᓯᓚᕐᔪᐊᒧᑦ ᒫᓯᓚ ᖁᕕᐊᒋᔭᖃᑦᑎᐊᖅᑐᖅ ᓴᖕᖏᓂᖅᑖᕐᑎᑦᑎᓂᕐᒥᒃ ᓄᓇᖅᑲᖅᑳᖅᓯᒪᔪᑦ ᓄᓇᖏᓐᓂᒃ ᑕᒪᐅᓐᓇ ᑕᕐᕆᔭᐅᓯᕆᓂᒃᑯᑦ. ᐊᑑᑎᖃᕆᒻᒪᕆᒃᑕᖏᑦ ᐃᑲᔪᖅᑎᒌᖕᓂᖅ, ᐱᐅᓯᑐᖃᕐᓂᒃ ᐊᓯᐅᔾᔭᐃᖅᓯᓂᖅ, ᐊᒻᒪᓗ ᐃᓚᖏᓐᓈᓐᖏᑦᑐᓂᒃ ᐅᓂᒃᑳᖅᑎᑦᑎᓂᖅ. ᐅᓇ ᐃᓗᑐᔪᒥᒃ ᐊᖏᖅᓯᒪᔪᖅ ᓴᓇᖃᑎᒋᔪᒪᓪᓗᒋᑦ ᐃᓄᐃᑦ ᓴᕿᑦᑎᓲᑦ ᐊᒻᒪᓗ ᐊᐅᓚᑦᓯᔨ ᐃᑲᔪᕐᓗᒋᑦ ᓂᐱᖏᑦ ᑐᓴᖅᑕᐅᑦᑎᐊᕐᓂᐊᕐᒪᑕ ᐊᒻᒪᓗ ᐅᓂᒃᑳᖏᑦ.

ᒦᒐᓐ ᑎᔅᓯᐄ ᑕᕐᕆᔭᐅᓯᐅᖅᑎ ᐊᒻᒪᓗ ᖃᓄᑐᐃᓐᓇᖅ ᐱᓕᕆᔪᓐᓇᖅᑐᖅ ᓴᓇᖕᖑᐊᖅᑎ ᓄᓇᖃᖅᑐᖅ ᒪᓐᑐᕆᐊ. ᐅᓇ ᓇᓂᓯᓯᒪᔪᖅ ᐃᓂᒃᓴᒥᓂᒃ ᐊᕙᑖᓂ ᑐᑭᖃᖅᑐᑦ ᐊᒻᒪᓗ ᑐᑭᖃᓐᖏᑦᑐᑦ ᑕᒪᒃᑯᐊ ᑕᑯᔪᒥᓇᕐᓂᖅᐹᑦ. ᐅᓇ ᐃᖅᑲᓇᐃᔭᓲᖅ ᑕᕐᕆᔭᐅᓯᐊᓂᒃ ᓇᖃᑎᕆᔨᐅᓪᓗᓂ ᐊᒻᒪᓗ ᑕᕐᕆᔭᐅᓯᐅᓚᐅᖅᑎᓪᓗᒋᑦ ᑲᒪᔨᐅᔪᖅ, ᐊᒻᒪᓗ ᒫᓐᓇ ᐃᖅᑲᓇᐃᔭᖅᑐᖅ ᓄᓇᕗᒻᒥ ᑕᓚᕖᓴᓕᕆᔨᒃᑯᑦ/ ᐅᕙᒍᑦ. ᐅᓇ ᐅᒃᐱᕈᓱᒃᑐᖅ ᓴᖕᖏᔫᓂᐊᓂᒃ ᓴᓇᖕᖑᐊᖅᓯᒪᔪᑦ ᐱᐅᔪᒥᒃ ᐃᓅᓯᕐᒥ ᐊᓯᑦᔩᓲᖑᖕᒪᑕ. ᐅᓇ ᖁᕕᐊᒋᔭᓂᒃ ᐅᖃᓪᓚᖃᑎᖃᕆᐊᒃᓴᖅ ᐊᒻᒪᓗ ᓂᕿᒃᓴᓂᒃ ᐱᕈᖅᓰᔭᕆᐊᒃᓴᖅ.

ᐅᓛᐱᓐ ᐊᖏᓕᖅ ᐃᒡᓗᓕᖕᒥᐅᑕᖅ, ᐃᓅᓂᑯ ᐃᖃᓗᖕᓂ. ᓅᓯᒪᔪᖅ ᖃᓪᓗᓈᑦ ᓄᓇᖓᓄᑦ ᐅᑭᐅᖃᖅᖢᓂ 13-ᓂᒃ. ᐅᓚᐱᓐ ᓂᐱᑭᑦᑑᔪᖅ ᐊᒻᒪᓗ ᐱᐅᓯᑐᖃᕆᓂᖏᑕᒥᓂᒃ ᑕᑯᒋᐅᖅᓯᒪᔪᖅ ᓅᓐᓇᒥ ᖃᓪᓗᓈᑦ ᓄᓇᖓᓄᑦ. ᐅᓇ ᒫᓐᓚ 21 ᐅᑭᐅᖃᖅᑐᖅ, ᐊᒻᒪᓗ ᐊᑐᖅᓯᓯᒪᓕᖅᑐᖅ ᐊᒥᓱᓂᒃ. ᐱᓐᖑᐊᖅᓯᒪᔪᖅ ᑕᕐᕆᔭᐅᓯᐊᓂ ᑳᑑᓐᖑᔪᓂ ᐊᒥᓱᑦ ᑕᕐᕆᔭᐅᓯᐅᖅᓯᒪᔪᑦ ᑭᖑᓪᓖᑦ ᑕᕐᕆᔭᐅᓯᐅᖅᑎᑦᑎᒍᑦ ᐊᑎᖃᖅᑐᖅ ᐱᖁᓯᕗᑦ, ᓱᓕ ᒫᓐᓇ ᓴᓇᔭᐅᔪᖅ. ᐅᓇ ᐃᓚᒋᔭᖓ ᑎᑎᕋᖅᑎᐅᖃᑕᐅᓪᓗᓂ ᐱᓕᕆᖃᑎᒌᖕᓂ ᐊᕐᓈᐱᒃ - 6-ᓂᒃ ᐅᐃᒍᓕᒃ ᐅᓂᒃᑳᖅᑐᑦ-ᑲᑉᐱᐊᓇᖅᑐᖃᖅᖢᓂᓗ ᑕᓚᕖᓴᒐᒃᓴᐃᑦ. ᐅᓇ ᐃᑲᔪᖅᓯᒪᔪᖅ ᐃᓄᒃᑎᑑᓕᖅᖢᒋᑦ ᑕᒪᕐᒥᒃ ᓴᕿᑕᐅᓂᐊᖅᑐᑦ. ᐅᓚᐱᓐ ᓂᐱᓕᐅᖃᑦᑕᖅᓯᒪᖕᒥᔪᑦ ᐊᐸᑕᑳ ᐃᓄᒃᑎᑑᓕᕆᔨᒃᑯᓂᑦ. ᒫᓐᓇ ᐃᖅᑲᓇᐃᔭᖅᑐᖅ ᐅᕙᒍᑦ/ᓄᓇᕗᒻᒥ ᑕᓚᕖᓴᓕᕆᔨᒃᑯᑦ, ᐅᓚᐱᓐ ᖁᕕᐊᒋᔭᓕᒃ ᕿᓂᖅᖢᓂ ᐊᔾᔨᒌᓐᖏᑦᑐᓂᒃ ᐱᕕᖃᖅᑎᑦᑎᔪᓐᓇᖅᑐᓂᒃ.

ᐋᔾᔨᓖᓐ ᐃᕙᓗ ᐃᓅᓂᑯ ᐊᒻᒪᓗ ᐱᕈᖅᓴᓪᓗᓂ ᐃᒡᓗᓕᖕᒥ, ᓄᓇᕗᑦ. ᐅᓇ ᓴᕿᔮᓲᖅ ᑕᑯᒋᓇᐃ ᐊᒻᒪᓗ ᐱᓕᕆᖃᑦᑕᖅᓯᒪᓕᖅᑐᖅ ᑕᓚᕖᓴᓕᕆᓂᕐᒥ ᓄᑕᕋᐅᓂᕐᒥᓂᑦ. ᐊᔪᖏᑦᑎᐊᖅᑐᖅ ᐃᓄᒃᑐᑦ, ᓅᓐᓂᑯ ᐋᑐᕚᒧᑦ, ᓴᓇᖃᑎᖃᖅᑐᖅ ᐃᓄᐃᑦ ᐊᐅᓚᑦᓯᔨᖏᓐᓂᒃ, ᑕᐃᒪᓗ ᐅᑎᖅᑐᖅ ᑐᓚᕖᓴᓕᕆᔪᓂ. ᐋᔾᔨᓖᓐ ᐃᓄᒃᑎᑑᓕᕆᔨ, ᓂᐱᓕᐅᖅᓯᒪᔪᓂᒃ ᓇᖃᑎᕆᔨ ᑕᕐᕆᔭᐅᓯᐅᖅᓯᒪᔪᓂᒃ, ᓂᐱᓕᐅᓲᖅ, ᐱᓐᖑᐊᖅᑎ ᑕᕐᕆᔭᐅᓯᐅᖅᑕᐅᓲᖅ, ᑎᑎᕋᖅᑎ, ᓴᕿᑦᑎᓲᖅ ᑕᑯᒃᓴᐅᓂᐊᖅᑐᓂᒃ, ᐱᐅᓴᐃᓲᖅ ᐊᒻᒪᓗ ᐊᓯᖏᓐᓂᒃ ᐊᒥᓱᓂᒃ. ᐅᓇ ᐱᓕᕆᐊᒥᓂᒃ ᐅᐱᒍᓱᑦᑎᐊᖅᑐᖅ ᐃᓄᒃᑐᑦ ᐅᖃᐅᓯᕐᒥᒃ ᐊᒻᒪᓗ ᐱᖁᑎᑐᖃᒥᖕᓂᒃ ᐊᒻᒪᓗ ᓴᓇᖃᑦᑕᖅᑐᖅ ᑕᒪᒃᑯᐊ ᐊᓯᐅᓂᐊᓐᖏᒻᒪᑕ.

ᑐᓐᖓᓱᒋᑦᑎ, ᐊᑎᖃᖅᑐᖓ ᓴᕚᓇ ᒪᓐᒐᖅ ᒪᓇᐱᐅ. ᐃᓅᓂᑰᔪᖓ 1989, ᕕᓂᐲᒃ, ᒫᓂᑑᐸ ᐊᒻᒪᓗ ᐱᕈᖅᓴᓪᓗᖓ ᐊᕐᕕᐊᑦ, ᓄᓇᕗᑦ. ᒫᓐᓇ ᓄᓇᖃᖅᑐᖓ ᑐᓚᒥᑦᕕᐅ, ᑯᐸᐃᒃ. ᐸᖀᓇᐅᔭᖅᑐᖓ ᐊᐃᑉᐸᕆᔭᐅᓪᓗᖓ ᐊᒻᒪᓗ ᐊᓈᓇᐅᓪᓗᑕ 5 ᓄᑕᕋᖃᖅᑐᖓ. ᐃᓚᒃᑲ ᐃᓅᓯᖃᖃᑎᒋᑦᑎᐊᖅᐸᒃᑲ ᑕᒪᓐᓇ ᓯᕗᓪᓕᐅᑎᓯᒪᔭᖓ ᑕᐃᒪᖓᓂᑦ ᐊᓂᒍᖅᑐᑦ ᐊᒥᓲᓐᖏᑦᑐᑦ ᐊᕐᕌᒍᓂ. ᐱᓐᖑᐊᕐᓂᖅ ᑕᓚᕖᓴᒃᑯᑦ ᖁᕕᐊᒌᓐᓇᐅᔭᖅᑕᕋ. ᑎᑎᕋᐃᓐᓇᓲᖑᔪᖓ ᓴᕿᑎᑦᑎᖃᑦᑕᖅᖢᖓᓗ ᐅᖃᓘᑎᕋᓛᖅᓯᐅᑎᑦᑎᒍᑦ ᓲᕐᓗ ᑎᒃᑖᒃ ᐊᒻᒪᓗ ᒫᓐᓇ ᕿᓂᖅᑐᖓ ᓄᑖᓂᒃ ᐱᓕᕆᐊᒃᓴᓂᒃ ᐊᒻᒪᓗ ᐅᑎᕈᒪᓪᓗᖓ ᐃᓕᓐᓂᐊᕐᕕᖕᒧᑦ ᑕᐃᑲᓂ ᐅᑭᐅᖅᑕᖅᑐᒥ ᓯᓚᖅᑐᖅᓴᕐᕕᖕᒧᑦ.

ᐊᓕᒃᓴ ᒧᓕᓐᓯ ᑐᐸᒃ ᐅᓇ ᒪᒃᑯᒃᑐᖅ ᐃᓄᒃ ᓄᑕᕋᖅ ᐃᓚᖃᖅᑐᖅ ᑰᒃᔪᐊᕌᐱᒃ, ᓄᓇᕕᒃ. ᐅᓇ ᓄᓇᖃᖅᑐᖅ ᓂᒋᐊᓂ ᑯᐸᐃᒃ ᐊᒻᒪᓗ ᐅᖃᓪᓚᓲᖅ ᐅᐃᕖᖅᑎᑐᑦ. ᑕᐃᒪᓐᓇ ᐅᖓᓯᒃᑐᒥᐅᑕᐅᒐᓗᐊᕋᒥ, ᐊᑕᑦᑎᐊᖏᓐᓇᖅᑐᖅ ᐅᑭᐅᖅᑕᖅᑐᒥ ᑭᓇᐅᓂᕐᒥᓂᒃ - ᑕᒪᐅᓐᓇ ᐅᓂᒃᑳᑎᒍᑦ, ᐱᐅᓯᑐᖃᕐᒥᒍᑦ ᐊᒻᒪᓗ ᖁᕕᐊᒋᔭᖏᑦ ᐃᓚᒥᓂᒃ ᐃᒻᒥᓄᐊᖅᑕᐅᓯᒪᔪᑦ. ᐊᓕᒃᓴ ᐱᕈᖅᐸᓪᓕᐊᔪᑦ ᐅᐱᒍᓱᒃᓗᓂ ᑭᓇᐅᓂᕐᒥᓂᒃ, ᐃᓕᑦᑎᓯᒪᔪᖅ ᐃᒃᐱᒋᑦᑎᐊᖅᖢᒋᑦ ᑕᒪᕐᒥᒃ ᓇᑭᖔᖅᓯᒪᓂᕐᒥᓂᕐ ᐊᒻᒪᓗ ᓇᒦᓐᓂᕐᒥᓂᒃ.

ᑲᓚᐅᕆᓴ 11-ᓂᒃ ᐊᕐᕌᒍᓕᒃ. ᐃᓄᒃ ᐊᒻᒪᓗ ᐅᐃᕖᖅ ᑲᓇᑕᒥᐅᑕᓂᑦ. ᓄᓇᖃᖅᑐᖅ ᒪᓐᑐᕆᐊ ᐊᒻᒪᓗ ᖃᐅᔨᒪᑦᑎᐊᖅᑐᖅ ᖃᓪᓗᓈᑎᑐᑦ ᐊᒻᒪᓗ ᐅᐃᕖᖅᑎᑐᑦ. ᐅᓇᑦᑕᐅᖅ ᖁᕕᐊᒋᔭᓕᒃ ᐱᓐᖑᐊᕆᐊᒃᓴᖅᖅ ᐊᒻᒪᓗ ᓯᐊᕆᔮᕆᐊᒃᓴᖅ. ᐅᓇ ᐃᓕᓐᓂᐊᑦᑎᐊᖅᑐᖅ, ᐱᔭᕇᖅᓯᓯᒪᔪᖅ ᓵᓚᖃᕋᓱᒃᑐᓂ ᓯᐊᕆᔮᖅᑐᓂ, ᐅᓇᓗ ᓵᓚᖃᕋᓱᐊᓲᖅ ᔨᒻ ᐱᓐᖑᐊᖃᖅᑐᓂ ᐊᒻᒪᓗ ᐃᓚᒋᔭᐅᔪᖅ ᐃᓕᓐᓂᐊᕐᕕᖕᒥ ᐱᓐᖑᐊᖅᑎᓂ.
ᐅᓇ 2025 ᐱᓇᔪᒃᓯᒪᔪᖅ ᔭᐃᓪ ᐃᓕᓐᓂᐊᕐᕕᒃᔪᐊᖓᓂ ᓵᓚᖃᖅᓯᒪᓪᓗᓂ ᐊᓪᓚ ᐱᓐᖑᐊᖅᑎ ᑕᓚᕖᓴᒃᑯᑦ ᑕᕐᕆᔭᐅᑎᑦᑎᒍᓪᓗ ᐅᑭᐅᖃᖅᑐᓂ ᐊᑖᓂ 18. ᐃᓕᓐᓂᐊᕈᓐᓃᕋᖓᒥ, ᖁᕕᐊᒋᔭᓕᒃ ᓱᓇᑐᐃᓐᓇᓂᒃ “ᐊᕐᓇᖅᓯᐅᑎᓂᒃ” ᐊᒻᒪᓗ ᖁᕕᐊᒋᔭᖓ ᐱᖃᑎᒋᔭᕆᐊᒃᓴᖅ ᓄᑲᓂ.